drei Wuche mit dr Nico unterwägs…(ein kleines Resumé auf Schweizerdeutsch)
23 07 2011
jo…drei Wuche Action…Muggestich wo bisse, Fläädermüüs wo eim ume Kopf schwirre, Klimaahlage vo uf 16 Grad blokiert sin und eim bim ihschloofe hindere, fantastischi Tauchgäng mit Mantas, MolaMola, Haifisch, sowie extreme Luftverbruch ufgrund Lachahfäll unter Wasser.
Trip dure Dschungel in Flip-Flops…bi Tag und au bi Nacht…zwüschedure e Stopp für e kreativs Fotoshooting! Feins Ässe zelebriere…feins Bier no viel meh! Sunnebaade und ufm Wasser triibe… 
und eins vo de HIghlight zum Schluss…die erschte Versuech ufm Surfbrätt z stoh und kli Wälle riitte…und es het funktioniert! E paar Schürfwunde als Ahdängge und e riiise Schmunzle im Gsicht. 
Jetzt weiss ich, nid nur s Tauche macht süchtig…sondern au s surfe…
Die drei Wuche sin vollbepackt gsi und kömme mr vor wie ne kleini Ewigkeit….
Kategorien : Indonesien